Semester 1

MUHTASARI WA KOZI: MBINU ZA MAWASILIANO KATIKA KISWAHILI II (KIN 22)
Kozi hii inalenga kuwapa wanafunzi ujuzi wa juu wa mawasiliano bora katika lugha ya Kiswahili, kwa maandishi na mazungumzo. Wanafunzi hujifunza kutumia Kiswahili kwa usahihi, ufasaha na kwa kuzingatia mazingira, hadhira na makusudi ya mawasiliano.
Kozi inashughulikia mada kuu zifuatazo:
1. Usemi Halisi na Usemi wa Taarifa
Wanafunzi hujifunza kubadilisha usemi wa moja kwa moja kuwa usemi wa taarifa kwa kuzingatia mabadiliko ya nafsi, nyakati, vielezi vya mahali na wakati, pamoja na alama za uandishi.
2. Matumizi ya Lugha Kulingana na Mazingira
Kozi inaeleza namna ujumbe huandaliwa kulingana na nini kinachosemwa, kwa nini, kwa nani, kwa namna gani na wapi. Hapa mwanafunzi hujifunza kuchagua maneno sahihi kulingana na mazingira rasmi na yasiyo rasmi.
3. Rejesta na Misimu
Wanafunzi hujifunza aina za rejesta kama lugha ya familia, mtaani, kitaaluma, kirasmi na michezoni; pamoja na misimu, uundaji wake, matumizi na changamoto zake katika jamii.
4. Mbinu za Lugha na Mbinu
Sehemu hii inachunguza tamathali za usemi kama tashbiha, istiara, jazanda, taswira, tanakali za sauti, chuku, taashira, takriri, tanakuzi na nyinginezo. Pia inahusisha mbinu za kisanaa kama kejeli, taharuki, kinaya, maswali ya balagha, flashback na foreshadow.
Tathmini
Ujuzi wa wanafunzi hutathminiwa kupitia mazoezi ya kuandika na kuzungumza, mitihani, majadiliano darasani na kazi za utafiti.
Matokeo Tarajiwa
Mwisho wa kozi, mwanafunzi ataweza:
• Kuwasiliana kwa Kiswahili sanifu kwa ufasaha na kujiamini.
• Kurekebisha na kutumia usemi wa taarifa ipasavyo.
• Kutumia lugha kulingana na muktadha na hadhira.
• Kutambua na kutumia tamathali za usemi na mbinu za sanaa.
• Kuchanganua rejesta na misimu katika mawasiliano ya kila siku.